Kitaabon ke pannon ko palat ke sochta hun

Kitaabon ke pannon ko palat ke sochta hun,
Yun palat jaaye meri zindagi to kya baat hai.
Khwaabon mein jo roz-roz milti hai,
Haqeekat me mil jaaye, to kya baat hai,
Matlab ke liye to sab dhoondte hain mujhko
Bin matlab ke jo paas aaye koi to kya baat hai
Qatl karke to sab le jaayenge dil mera,
Koi baaton se le jaaye to kya baat hai.
Zinda rehne tak khushi doonga sabko,
Kisi ko meri maut se khushi mil jaye to kya bat hai